En mai au douz tens nouvel,
Que raverdissent prael,
Oi sor un arbroisel
Chanter le rosignolet:
Saderaladon!
Tant bon fet
Dormir lez le buissonet.
Si com g'estoie pensis,
Lez le buissonet m'assis:
Un petit m'i endormi
Au douz chant de l'oiselet
Sadaraladon!...
Au resveillier que je fis,
A l'oisel criai merci,
Qu'il me doint joie de li:
S'en serai plus jolivet.
Saderaladon!...
Et quant je fui sus levez,
Ci conmenz a citoler
Et fis l'oiselet chanter
Devant moi el präelet:
Saderaladon!...
Li rosignolez disoit:
Par un pou qu'il n'enrajoit
Du grant duel que il avoit,
Que vilains l'avoit öi.
Saderaladon!...
Saderalladon Paroles effectuées par Corvus Corax sont la propriété et le copyright des auteurs, artistes et labels. Vous devriez noter que les paroles de Saderalladon effectuées par Corvus Corax ne sont fournies qu'à des fins éducatives et si vous aimez la chanson, vous devriez acheter le CD sur le site officiel de l'auteur